عالمی شہرت یافتہ معروف کولمبین گلوکارہ شکیرا نے کہا ہے کہ وہ موسیقی کی دنیا میں گلوکارہ ٹیلر سوئفٹ کے ساتھ کام کرنے کی خواہشمند ہیں۔

متعدد گریمی ایوارڈز یافتہ اور سال 2010 کے فٹبال ورلڈ کپ میں اپنے منفرد ٹائٹل سانگ ’واکا واکا‘ سے مشہور ہونے والی کولمبین گلوکارہ شکیرا نے 7  سال کے بعد اپنی نئی البم سے موسیقی کی دنیا میں واپسی کا اعلان کر دیا ہے۔

ٹیکس فراڈ کیس اور اپنے پارٹنر سے علیحدگی کے بعد شکیرا نے میوزک کی دنیا سے کنارہ کشی اختیار کرلی تھی۔

اب گلوکارہ اپنی نئی البم کی ریلیز کی پروموشن میں مصروف ہیں، اپنی البم ’لاس موئریس یانو لوران‘ کی پروموشن کے موقع پر نامور گلوکارہ سے دلچسپ سوال کیا گیا۔

میڈیا سے گفتگو کرتے ہوئے ان سے پوچھا گیا کہ آپ کس گلوکارہ کے ساتھ کام کرنے کی خواہشمند ہیں؟

جس کے جواب میں شکیرا نے جواب دیا کہ وہ ٹیلر سوئفٹ کے ساتھ کام کرنے کی خواہشمند ہیں۔

واضح رہے کہ معروف گلوکارہ ٹیلر سوئفٹ نے گلوکاری، اداکاری اور موسیقی میں خدمات دینے کی وجہ سے اب تک 40 کے قریب ایوارڈز جیت رکھے ہیں۔