جب سے عالیہ بھٹ اور رنبیر کپور نے اپنی بیٹی راہا کو دنیا سے متعارف کرایا ہے، تب سے اس کو سوشل میڈیا پر ہر ایک نے پسند کیا ہے۔

حال ہی میں، والد رنبیر کپور کے ساتھ اپنے کزن جیہ کی سالگرہ میں شرکت کرنے والی ننھی راہا کی ویڈیوز سوشل میڈیا پر گردش کر رہی تھیں۔

اس بار، گجرات کے جام نگر میں آننت امبانی کی شادی سے پہلے کی تقریبات کے دوران ننھی راہا کو عالیہ بھٹ کے ساتھ دیکھا گیا تھا جس کی ویڈیو کافی وائرل ہورہی ہے۔

بعدازاں اداکارہ نے ان تین دن کی بہت سی تصاویر پوسٹ کی ہیں جس میں پہلی بار عالیہ بھٹ نے اپنی بیٹی کے ہمراہ اپنی کوئی تصویر پوسٹ کی ہے۔

پوسٹ کی جانے والی تصاویر میں  عالیہ کو اپانی بیٹی راہا کے ساتھ  دیکھا جاکستا ہے جو کہ ایک طرح کا لباس پہنے ہوئے ہیں۔

دوسری تصویروں میں، اداکارہ نے کرینہ کپور خان کے ساتھ میک اپ کرتے ہوئے اور تینوں دنوں کے اہم مواقعوں کی تصویریں شیئر کیں ہیں۔

علاوہ ازیں رنبیر کپور اور عالیہ بھٹ نے امبانی پارٹی میں اپنے ہٹ گانے ‘کیسریا’ پر شاندار پرفارمنس بھی پیش کی جہاں ان کے ساتھ آکاش اور شلوکا امبانی بھی اسٹیج پر موجود تھے۔