بھارتی اداکار نوازالدین صدیقی کی سابقہ اہلیہ نے اپنے اختلافات کو حل کرنے اور نئے سرے سے شروعات کرنے کا فیصلہ کیا ہے۔

میڈیا رپورٹس کے مطابق بھارتی اداکار نوازالدین صدیقی کی سابقہ اہلیہ عالیہ نے حال ہی میں اداکار کے ساتھ ‘شادی کے 14 سال’ مناتے ہوئے ایک سوشل میڈیا پوسٹ شیئر کی ہے جس سے پتہ چلتا ہے کہ جوڑے نے اپنے اختلافات کو حل کرنے اور نئے سرے سے شروعات کرنے کا اشارہ دے دیا ہے۔

تصاویر شیئر کرتے ہوئے، جس میں نوازالدین عالیہ اور ان کے دو بچوں کے ساتھ خوشی سے مسکراتے ہوئے نظر آرہے ہیں، عالیہ نے لکھا، “Celebrating 14 years of wedded bliss with my one and only. Anniversary cheers.”

دوسری جانب نوازالدین، جو سوشل میڈیا پر بھی سرگرم ہیں، نے ابھی تک عالیہ کی سوشل میڈیا پوسٹ پر کوئی ردعمل ظاہر نہیں کیا ہے۔

خیال رہے کہ عالیہ اور نوازالدین کے تعلقات کے معاملات ماضی میں خبروں کی زینت بنے رہتے تھے اور نہوں نے اس سے قبل سوشل میڈیا پر نوازالدین کو تنقید کا نشانہ بھی بنایا تھا۔

علاوہ ازیں جون 2023 میں، عالیہ نے مذکورہ شخص کے ساتھ ایک پوسٹ شیئر کرکے اپنے نئے پارٹنر کو متعارف کرایا تھا۔ اس کے بعد اس نے پوسٹ ڈیلیٹ کر دی تھی۔