بھارتی اداکار اور گلوکار دلجیت دوسانجھ کی نجی زندگی کے متعلق خبریں سوشل میڈیا پر گردش کر رہی ہیں ۔

بھارتی میڈیا رپورٹس کے مطابق دلجیت دوسانجھ کے جاننے والوں نے چونکا دینے والے دعویٰ کیا ہے کہ ان کی شادی ایک بھارتی نژاد امریکی خاتون سے ہوئی ہے اور ان کا ایک بیٹا بھی ہے۔

ان کے ایک قریبی دوست نے انکشافات کرتے ہوئے بتایا ہے کہ “وہ ایک انتہائی نجی شخص ہیں اور ان کے خاندان کے متعلق بہت کم ہی کسی کو معلوم ہے لیکن دوستوں کا کہنا ہے کہ اس کی بیوی ایک امریکی نژاد ہے اور ان کا ایک بیٹا بھی ہے، اور اس کے والدین لدھیانہ میں رہتے ہیں۔”

اس کے علاوہ سال 2019 میں، دلجیت دوسانجھ کی دلم گڈ نیوز کی شریک اداکارہ کیارا اڈوانی نے بھی دلجیت کے پہلے سے ہی والدین ہونے کا اشارہ دیا اور ایک انٹرویو میں بتایا تھا کہ میرے لیے بہت تعلیمی تھی، کیونکہ اس میں اکیلی ہوں جس کے بچے نہیں ہیں۔

خیال رہے کہ دلجیت دوسانجھ، اپنی آواز اور اداکاری سے لاکھوں لوگوں کے دلوں پر قبضہ کر چکے ہیں اور متعدد بین الاقوامی پلیٹ فارمز پر بھارت کی نمائندگی کر چکے ہیں۔