معروف اداکارہ اور ٹی وی میزبان شہناز گل نے بالی ووڈ میں اداکاری کے بعد بطور پلے بیک سنگر اپنے کیریئر کا آغاز کیا ہے۔

اس گانے کا نام “دل کیا ارادہ تیرا” ہے اور یہ ایک نئی بالی ووڈ فلم پٹنہ شکلا میں دکھایا گیا ہے، جسے ارباز خان نے پروڈیوس کیا ہے۔

میڈیا رپورٹس کے مطابق 29 مارچ 2024 کو، فلم کا پریمیئر ڈزنی ہاٹ اسٹار پر نشر ہوا جس میں ستیش کوشک، روینہ ٹنڈن، اور مناو وج جیسے اداکاروں کے ساتھ ایک باصلاحیت کاسٹ شامل ہے۔

انسٹاگرام پر شہناز نے اپنے کیرئیر کے اس نئے دور کے آغاز کے لیے اپنے جوش کا اظہار کیا اور گانے کی ویڈیو کا ایک کلپ شیئر کرتے ہوئے لکھا، پہلی بار، کسی فلم کے لیے بطور پلے بیک گلوکارہ میرا پہلا گانا، ’دل کیا ارادہ تیرا‘ اور ساتھ ہی ارباز کا خان کا شکریہ بھی ادا کیا ہے۔

سیموئیل اور اکانکشا کے تیار کردہ اس گانے کو شہناز گل نے اپنی روح پرور آواز میں گایا ہے اور اس کے بول منوج کمار ناتھ نے لکھے ہیں۔

شہناز کو ان کی گلوکاری پر مداحوں اور موسیقی سے محبت کرنے والوں کی جانب سے کافی پذیرائی مل رہی ہے۔