بالی ووڈ اداکارہ اور معروف ڈانسر نورا فتحی نے انڈسٹری میں ان دنوں کے متعلق بات کی ہے کہ جب وہ بالی ووڈ میں اپنا کیریئر شروع کرنے کے لیے کینیڈا سے منتقل ہوئیں تھیں۔

حال ہی میں اپنے ایک انٹرویو کے دوران اداکارہ نے بتایا کہ  کس طرح کچھ ایجنسیاں ہیں جو لوگوں کا بہت بری طرح استحصال کرتی ہیں۔

اس تجربے کو “دردناک” قرار دیتے ہوئے اداکارہ نے ممبئی میں واقع ایک فلیٹ میں نو دیگر لڑکیوں کے ساتھ رہنے کے بارے میں بات کی اور بتایا کہ میں اپنی جیب میں صرف 05 ہزار لے کر بھارت آئی تھی۔

اس نے کہا، “میں تین کمروں کے اپارٹمنٹ میں نو سائیکوپیتھ کے ساتھ رہتی تھی جہاں میں نے دو لڑکیوں کے ساتھ ایک کمرہ شیئر کیا۔ وہاں اپنے قیام کے دوران، میں سوچتی تھی کہ، ‘میں خود کو کس چیز میں مبتلا کررہی ہوں؟ جس کی وجہ سے میں ابھی تک صدمے کا شکار ہوں۔

اس دوران ایجنسیوں سے ملنے والی رقم کے متعلق بات کرتے ہوئے نورا نے بتایا کہ کس طرح یہ نامعلوم ایجنسیاں چھوٹی چھوٹی بات پر پیسے کاٹ لیتی تھیں اور ان کو ایک معمولی سی رقم دیا کرتی تھیں۔

انہوں نے بتایا کہ اپنا گزر بسر انڈے ڈبل روٹی پر کیا کرتی تھیں اور وہ وقت بہت برا تھا جس سے نکلنے کے لئے مجھے تھراپی کی ضرورت تھی۔

ان کا کہنا تھا کہ کچھ ایجنسیاں آپ کا استحصال کرتی ہیں اور آپ کے تحفظ کے لیے کوئی قانون نہیں ہے اور بہت سی نئی اداکارائیں ایسی تنظیموں کا نشانہ بنتی رہتی ہیں۔