اداکار عرفان خان کی چوتھی برسی سے چند دن قبل، ان کے بیٹے بابل خان نے انسٹاگرام پر ایک جذباتی پیغام پوسٹ کیا، جو کہ بعد میں ڈیلیٹ بھی کردیا گیا، نے مداحوں کو تشویش میں مبتلا کردیا ہے۔

بابل کی حذف شدہ انسٹاگرام اسٹوری کا ایک اسکرین شاٹ سوشل میڈیا پلیٹ فارم ریڈٹ پر سامنے آیا ہے جس نے بابل کے مداحوں اور پیروکاروں میں تشویش پیدا کردی ہے۔

23 اپریل کو، بابل خان نے مبینہ طور پر ایک خفیہ انسٹاگرام پوسٹ شیئر کی جس میں لکھا تھا، “کبھی کبھی مجھے لگتا ہے کہ ہار مان کر بابا کے پاس جاؤں”۔

Is everything okay with Babil?

Advertisement

byu/NobodyFrosty4727 inBollyBlindsNGossip

پوسٹ شیئر ہونے کے فوراً بعد سے ان کے مداحوں نے اس پر ردعمل ظاہر کیا اور اپنے خیالات کا اظہار کرتے ہوئے بابل خان کے لئے فکرمندانہ رویہ اختیار کیا۔

خیال رہے کہ عرفان خان کا انتقال نیورو اینڈوکرائن ٹیومر میں مبتلا ہونے کے باعث 29 اپریل 2020 کو ممبئی کے ایک اسپتال میں ہوا تھا ۔

دوسری جانب ان کے بیٹے بابل خان نے اپنی اداکاری کا آغاز فلم کلا (2022) سے کیا، جس میں شریک اداکار ترپتی ڈمری، سواستیکا مکھرجی اور ورون گروور تھے۔ انویتا دت کی ہدایت کاری میں بننے والی یہ فلم نیٹ فلکس پر ریلیز ہوئی تھی۔