بالی ووڈ فلم انڈسٹری کے مشہور و معروف اداکار منوج باجپائی نے کہا ہے کہ وہ خود کی فلمیں نہیں دیکھتے۔

حال ہی میں اپنے دیے گئے ایک انٹرویو میں منوج باجپائی کا کہنا تھا کہ منفرد کرداروں کی تلاش ہمیشہ انکی خواہش رہی ہے۔

انہوں نے کہا کہ میں خوش نصیب بھی ہوں کہ مجھے بہت اچھی پیشکش بھی ہوئیں مگر میں چاہتا ہوں کہ اس سے بھی آگے جاؤں۔

ان کا کہنا تھا کہ وہ اپنی ہی فلمیں نہیں دیکھتے لیکن بعض اوقات دیکھنا پڑتی ہیں کیونکہ اگر کسی فلم کا سیکوئل بننے جارہا ہو تو پہلے حصے کو دیکھ کر ادا کیے گئے اپنے کردار کو یاد کرنے میں آسانی ہوتی ہے۔

اداکار نے بتایا کہ وہ زیادہ دلچسپ، غیر معمولی اسکرپٹس اور ان کہانیوں کی تلاش میں رہتے ہیں جسے لوگوں نے ابھی تک نہ دیکھا ہو۔

خیال رہے کہ معروف اداکار منوج باجپائی متعدد فلموں میں اپنی بہترین اداکاری کے جوہر دِکھا چُکے ہیں۔