‘دی گریٹ انڈین کپل شو’ میں اداکارہ عالیہ بھٹ کی غیر موجودگی نے نئے سوالات کو جنم دیا ہے جس کی وجہ سے ممکنہ دراڑ یا اختلاف کے بارے میں افواہیں گردش کر رہی ہیں۔

اس حوالے سے جاری رپورٹس میں بتایا گیا ہے کہ شو میں اداکار رنبیر کپور کے ہمراہ اداکارہ کی عدم موجودگی کی اصل وجہ مالی مذاکرات تھے۔

رپورٹ میں بتایا گیا ہے کہ نیٹ فلکس مبینہ طور پر عالیہ بھٹ کی فیس کے مطالبات کو پورا نہیں کر سکا، جس کی وجہ سے انہیں ایپی سوڈ سے خارج کر دیا گیا۔

اسٹریمر ہر ایپی سوڈ کے لیے ایک مخصوص بجٹ مختص کرتا ہے، اور اس سے تجاوز کرنا ممکن نہیں تھا۔ اس طرح، جب بنانے والے بھٹ کی فیس کو ایڈجسٹ نہیں کر سکے، تو انہوں نے شو میں آنے سے انکار کر دیا۔

خیال رہے کہ کپل شرما کی میزبانی میں ’دی گریٹ انڈین کپل شو‘ کی پہلی قسط 30 مارچ کو نیٹ فلکس پر نشر کی گئی جس میں رنبیر کپور، ان کی والدہ نیتو کپور اور بہن ردھیما کپور نے شرکت کی تھی۔