مس یونیورس 2000 کے مقابلے کی فاتح سمیت اپنی خوبصورتی، دلکشی اور فصاحت کے لیے مشہور لارا دتہ، ایک باصلاحیت اداکارہ ہیں، جنہوں نے گزشتہ برسوں میں متعدد طاقتور پرفارمنس کے ساتھ اپنی اداکاری کی صلاحیت کا مظاہرہ کیا ہے۔

بالی ووڈ انڈسٹری میں اتنے سال کام کرنے کے باوجود دیگر مشہور شخصیات کی طرح اداکارہ بھی سوشل میڈیا پر ہونے والی تنقید کا شکار ہوئیں ہیں ۔

اس حوالے سے بات کرتے ہوئے اداکارہ نے بتایا کہ منفی تاثرات پر توجہ نہیں دیتی ہیں کیونکہ وہ اپنکی زندگی پر اثر انداز نہیں ہوتے۔

ایک خصوصی انٹرویو میں لارا دتہ سے ان پر ہونے والی تنقید کے متعلق پوچھا گیا جس کے جواب میں اداکارہ نے جواب دیا کہ میں سوشل میڈیا پر خاص توجہ نہیں دیتی ہوں کیونکہ اگر میں میں فالوورز اور ان سے حاصل ہونے والے فیم پر توجہ دوں گی تو اس کے ساتھ آنے والے منفی تاثرات بھی مجھے پر اثر انداز ہونگے۔

انہوں نے مزید کہا کہ سوشل میڈیا پر ہونے والی تنقید سے انہیں فرق نہیں پڑتا ہے اور اس  طرح کے منفی تاثر دینے والے افراد کے ساتھ ہمدردی رکھتی ہوں کیونکہ ہم نہیں جانتے کہ وہ اپنی زندگی میں کن حالات  سے گزر رہے ہیں۔