بالی ووڈ اداکارہ سشمیتا سین اپنی ذاتی زندگی کی وجہ سے اکثر خبروں میں رہتی ہیں، نے حال ہی میں اپنی شادی کے منصوبوں پر بات کی ہے۔

حال ہی میں اپنے ایک انٹرویو کے دوران اداکارہ نے اپنی شادی کے متعلق کھل کر بات کی ہے اور بتایا ہے کہ وہ کس طرح کے انسان سے شادی کریں گی۔

ایک انٹرویو کے دوران، انہوں نے اپنی رومانوی زندگی پر روشنی ڈالتے ہوئے اسے ‘ایک کھلی کتاب’ کے طور پر بیان کیا اور اپنے سابق پارٹنرز کے ساتھ خوشگوار تعلقات برقرار رکھنے پر بھی آمادگی ظاہر کی۔

اداکارہ نے انکشاف کیا کہ وہ کب شادی کریں گی جس کے جواب میں انہوں نے کہا، “یہ کبھی بھی ‘کبھی نہیں’ کی صورتحال نہیں رہی ہے، اگر وہ شخص تمام معاملات کے لئے بہتر ثابت ہوتا ہے تو یقیناً میں اس سے شادی کرونگی۔

 سابق پارٹنرز کے متعلق بات کرتے ہوئے انہوں نے کہا کہ مجھے لگتا ہے کہ یہ مشکل ہے۔ بہت سے لوگ اپنے سابق محبوب کے ساتھ اچھے دوست ہوسکتے ہیں اور نہیں جانتے کہ لائن کہاں کھینچنی ہے لیکن ایسا ممکن ہے کیونکہ میں نے اسے ہوتا ہوا دیکھا ہے۔