اللو ارجن کی انتہائی متوقع فلم ‘پشپا 2’ کا ٹیزر سپر اسٹار کی 42 ویں سالگرہ کے موقع پر جاری کیا گیا ہے۔

میڈیا رپورٹس کے مطابق بلاک بسٹر تیلگو فلم ‘پشپا: دی رائز’ کا سیکوئل ‘پشپا 2: دی رول’ کے حال ہی میں جاری ہونے والے ٹیزر نے سوشل میڈیا پر تہلکہ مچا دیا ہے۔

ایکشن تھرلر فلم کا تقریباً ایک منٹ طویل ٹیزر میں اللو ارجن کا منفرد انداز مداحوں کی توجہ کا مرکز بنا ہوا ہے

فلم کے مرکزی اداکار اللو ارجن سمیت ان کے پرستار نے ایکس اور دیگر پلیٹ فارمز پر آنے والی ریلیز کے لیے اپنے جوش اور توقعات کا اظہار کیا ہے۔

فلم کے ٹریلر کی ریلیز کے بعد سے سوشل میڈیا پر ہیش ٹیگ ‘Pushpa2TheRule’ ٹرینڈ کر رہا ہے، جس میں شائقین ٹیزر کے ویژول، ایکشن سیکوینس، اور اللو ارجن کی دلکش کارکردگی کی تعریف کر رہے ہیں جبکہ بہت سے مداحوں نے ارجن کے ‘سنسنی خیز’ نئے روپ اور فلم کے تکنیکی پہلوؤں پر بھی تبصرہ کیا ہے۔

خیال رہے کہپشپا 2: دی رول 15 اگست 2024 کو دنیا بھر کے سینما گھروں میں ریلیز ہونے والی ہے۔ سوکمار کی طرف سے ہدایت کاری اور میتھری مووی میکرز کے ذریعہ پروڈیوس کردہ، اس میں اللو ارجن، رشمیکا منڈنا نے اداکاری کی ہے۔