بالی ووڈ کی معروف اداکارہ دیپیکا پڈوکون نے ایک اور خفیہ نوٹ شیئر کیا ہے جو کہ کافی وائرل ہورہا ہے۔

حال ہی میں جلد ماں بننے والی اداکارہ نے اپنے انسٹاگرام اسٹوریز پر ایک پوسٹ شیئر کی جس میں زیادہ دعا کرنے اور کم شکایت کرنے کے متعلق بات کی گئی ہے۔

ان کے شیئر کئے گئے پوسٹ میں واضح تھا کہ، “کم پوسٹ کرنا۔ زیادہ کام کرنا۔ کم موازنہ کرنا۔ زیادہ غور کرنا، کم شکایت کرنا، زیادہ دعا کرنا۔ کم بحث کرنا۔ مزید کام کرنا۔”

دلچسپ بات یہ ہے کہ یہ پوسٹ ایک ایسے وقت میں سامنے آئی ہے جب اداکارہ اپنے پہلے بچے کی توقع کر رہی ہیں۔ انہوں نے اس سال فروری میں اپنے حمل کا اعلان کرتے ہوئے ایک پیارا پوسٹر شیئر کیا تھا جس پر “ستمبر 2024” لکھا ہوا تھا۔

پوسٹر پر بچوں کے کپڑے، کھلونے اور غبارے بھی بنے ہوئے تھے۔

خیال رہے کہ دیپیکا پڈوکون اور رنویر سنگھ، جو 14 نومبر 2018 کو شادی کے بندھن میں بندھے تھے، جلد ہی اپنے پہلے بچے کا استقبال کرنے کے لیے تیار ہیں۔