وائرل فوڈ ٹرینڈز دنیا میں کہیں سے بھی آسکتے ہیں اور پچھلے کچھ دنوں سے جنوبی کوریا ایک ایسی بیکری پر توجہ کا مرکز بنی ہوئی ہے جو منفرد ڈبل روٹی بناتے ہیں۔

اس خاص ڈبل روٹی کو ٹشو بریڈ کا نام دیا گیا ہے جو سلائسز کی شکل میں سو کاغذ کی پتلی تہوں پر مشتمل ہوتی ہے اور سوشل میڈیا پر اس کا موازنہ رومالی روٹی سے بھی کیا جارہا ہے۔

جنوبی کوریا میں واقع ایک بیکری کی انسٹاگرام ویڈیو کافی وائرل ہورہی ہے جس میں ٹشو بریڈ نامی ڈبل روٹی دیکھائی گئی ہے۔

ہنم ڈونگ، میں واقع ‘ٹرفل بیکری’ کے نام سے مشہور یہ جگہ اپنی منفرد پیشکش سے کھانے کے شوقینوں افراد کو مسحور کر رہی ہے۔

اس بیکری میں تیار کی گئی ٹشو بریڈ، انتہائی پتلی تہوں سے تیار کی گئی ہے جسے سوشل میڈیا صارفین کی جانب سے بہت پسند کیا جارہا ہے۔

پوسٹ کے مطابق، اس ٹشو بریڈ کو ایک خاص آٹے اور بہت سارے فرانسیسی گوم مکھن سے بنایا جاتا ہے جو اسے بہترین خوشبو اور ذائقہ فراہم کرتا ہے جو کہ روزانہ کی بنیاد پر دوپہر 2 بجے تک مکمل طور پر فروخت ہو جاتی ہے۔