بھارتی فلم انڈسٹری کے معروف اور قابل تعریف اداکار، رجنی کانت، کی زندگی پر ایک فلم بننے جارہی ہے، جو کہ ان کے مداحوں کے لئے بڑا سرپرائز ثابت ہوگی۔

اطلاعات کے مطابق شیواجی راؤ گائیکواڑ کی رجنی کانت بننے کی کہانی بہت سے لوگوں کے لیے متاثر کن رہی ہے جسے مشہور بالی ووڈ پروڈیوسر ساجد ناڈیاڈوالا پروڈیوس کریں گے۔

رپورٹ میں یہ بھی اشارہ کیا گیا ہے کہ فلم کی اسکرپٹ پر کام جاری ہے اور کاسٹ اور عملے کو ابھی بھی ترتیب دیا جا رہا ہے تاہم دلچسپی کی بات یہ ہے کہ رجنی کانت کا کردار کون اداکار ادا کرے گا۔

رجنی کانت، ایک متوسط ​​طبقے کے آدمی ہونے سے لے کر تامل سنیما کے سب سے بڑے ہدایت کاروں میں سے ایک کے ذریعے دریافت ہونے تک انہوں نے جو سفر طے کیا وہ واقعی متاثر کن ہے۔

سپر اسٹار کے اس حیرت انگیز سفر کو ایک فلم میں تبدیل کرنے کے لئے ساجد ناڈیاڈوالا اس پروجیکٹ کو فنڈ دے رہے ہیں جو کہ 2025 میں فلور پر جائے گی اور اسکرپٹ کو حتمی شکل دینے کے بعد کاسٹنگ کی جائے گی۔