بالی ووڈ فلم انڈسٹری کے مشہور و معروف اداکار عمران ہاشمی نے کہا ہے کہ میں نے کبھی پلاسٹک سرجری نہیں کروائی۔

حال ہی میں ایک انٹرویو میں معروف اداکار عمران ہاشمی سے میزبان نے سوال کیا کہ اداکار کیوں پلاسٹک سرجری کرواتے ہیں؟

جواب میں عمران ہاشمی نے کہا کہ آپ ایسے اداکاروں کے نام بتائیں جنہوں نے ایسی سرجری کروائی، جب انہیں راج کمار راؤ کا نام بتایا گیا تو انہوں نے اثبات میں سر ہلادیا۔

انہوں نے کہا کہ یہ حقیقت ہے، میرا مطلب ہے کاسمیٹک کا کاروبار، یہ صرف فلم انڈسٹری ہی میں نہیں بلکہ یہ اپنی چیزوں کی بڑی اچھی مارکیٹ کرتے ہیں۔

ان کا کہنا تھا کہ ہر ایک کی خواہش ہوتی ہے کہ وہ پوسٹر بوائے یا گرل جیسا نظر آئے، خوبصورت نظر آنا پہچان بن گئی ہے، اور آپ چاہتے کہ اسکے مطابق خود کو ڈھالیں، کیونکہ اسکی وجہ سے پیار ملتا ہے اور آپ اپنے بارے میں اچھا محسوس کرتے ہیں۔

عمران ہاشمی نے مزید کہا کہ جہاں تک کاسمیٹک سرجری کا تعلق ہے تو میں نے کبھی نہیں کروائی۔