جسٹن بیبر اور ان کی اہلیہ ہیلی بیبر نے باضابطہ طور پر اپنے پہلے بچے کی آمد کا اعلان کردیا۔

بین الاقوامی خبررساں ادارے کے مطابق  عالمی شہرت یافتہ کینیڈین گلوکار جسٹن بیبر اور اُن کی اہلیہ ہیلی بیبر کے ہاں شادی کے 6 سال بعد پہلے بیٹے کی پیدائش ہوئی ہے۔

جسٹن بیبر نے انسٹاگرام پر اپنے نومولود بچے کے ننھے پاؤں کی تصویر پوسٹ کی اور کیپشن میں لکھا’ویلکم ہوم جیک بلیوز بیبر‘۔

جسٹن بیبر نے اپنی پوسٹ میں بیٹے کی تاریخ پیدائش واضح نہیں  کی ہے جبکہ اُنہوں نے آج صبح سویرے ایک گھنٹہ قبل ہی مداحوں کو یہ خوشخبری سنائی۔

جسٹن  اور ہیلی بیبر کے بیٹے کی پیدائش پر اس جوڑے کے مداح اور ساتھی فنکار مبارکباد  دے رہے ہیں۔