پاکستان کی معروف میزبان ندا یاسر کا کہنا ہے کہ شوہر کے ساتھ تصویر شیئر کردو تو لوگ حسد کرتے ہیں۔

حال ہی میں پاکستان کی معروف میزبان ندا یاسر نے نجی ٹی وی چینل کے شو میں شرکت کی جہاں انہوں نے مختلف موضوعات پر گفتگو کی۔

انہوں نے کہا کہ اگر آج آپ خوشی میں شوہر کے ساتھ کوئی تصویر سوشل میڈیا پر شیئر کردیں تو حسد سے لوگ مرجاتے ہیں ایسا کیوں؟  یعنی تصویر کیوں لگائی لیکن اگر آج لوگوں کے یہ پتا چل جائے کہ کسی شوہر اور بیوی کے درمیان میں کوئی مسئلہ ہے تو ان کے دلوں میں لڈو پھوٹ جاتے ہیں۔

ندا یاسر نے کہا کہ آج آپ کوئی گھر خریدیں، گاڑی لیں یا کوئی بھی چیز لوگوں سے سوشل میڈیا پر شیئر کرلیں یہ چیزیں لوگوں سے بالکل برداشت نہیں ہوں گی لیکن اگر کسی کی بربادی ہوجائے تو یہی لوگ سب سے پہلے ٹانگ کھینچنے آجاتے ہیں۔

اداکارہ نے کہا کہ اگر کوئی شخص اپنی زندگی سے پریشان ہے تو کیا دوسروں کو بھی پریشان کرنے کی خواہش کرے گا؟ ہم نے تو ہمیشہ اپنے بزرگوں کو دعائیں دیتے ہوئے دیکھا ہے۔