پاکستان شوبز انڈسٹری کے معروف اداکار عدنان جیلانی نامور میزبان اور اداکارہ نادیہ خان پر برس پڑے ہیں۔

حال ہی میں اپنے دیے گئے ایک انٹرویو میں معروف اداکار عدنان جیلانی نے بتایا کہ نادیہ خان نے ڈرامہ ’بسمل‘ میں ان کی کارکردگی کی تعریف کی تھی لیکن تعریف کیلئے بھی ان کا رویہ عجیب تھا۔

انہوں نے کہا کہ نادیہ خان نے میری پرفارمنس کی تعریف کرتے ہوئے کہا کہ آپ کا پہلا سین بہت شاندار تھا اور اس سین میں آپ میں فطری اداکاری محسوس ہوئی۔

ان کا کہنا تھا کہ ان کی نادیہ خان سے پہلی ملاقات دبئی میں ہوئی، جہاں نادیہ نے انٹرویو کے دوران ان سے بات کرنے میں ہچکچاہٹ کا مظاہرہ کیا کیونکہ ان کے ذہن میں یہ تاثر تھا کہ عدنان غصیلی طبیعت کے مالک ہیں جبکہ ایسا نہیں ہے۔

عدنان جیلانی نے کہا کہ نادیہ خان ایک بہترین میزبان ہیں اور انہیں اداکاروں اور ڈراموں کی خامیاں نکالنے کی ذمہ داری دی گئی ہے، جو وہ لگن کے ساتھ نبھا رہی ہیں۔

اداکار کا مزید کہنا تھا کہ وہ تنازعات سے دور رہتے ہیں، اور ان کے لیے ان کے مداحوں کی رائے سب سے زیادہ اہم ہے۔