پاکستان کی معروف اداکارہ یشما گل کا کہنا ہے کہ اب تک جو بھی رشتے آئے ہیں سب سے پہلے اداکاری چھوڑنے کی ڈیمانڈ کرتے ہیں۔

حال ہی میں پاکستان کی معروف اداکارہ یشما گل نے ایک پروگرام میں شرکت کی جہاں انہوں نے شوبز سمیت ذاتی زندگی سے متعلق مختلف موضوعات پر گفتگو کی۔

ایک سوال کے جواب میں یشما گل نے کہا کہ ان کے خاندان کی طرف سے کئی رشتے آچکے ہیں تاہم جو بھی رشتہ آیا سب سے پہلے انہوں نے یہی ڈیمانڈ کی کہ وہ اداکاری چھوڑ دیں۔

انہوں نے کہا کہ ان کیلئے اداکاری کو چھوڑنا بےحد مشکل ہے کیونکہ اس ہی وجہ سے انہیں پہچان ملی ہے اور اس کیلئے وہ بےحد پُرجوش ہیں۔

پروگرام کی میزبان نے سوال کیا کہ اگر وہ کسی شخص کی محبت میں گرفتار ہوجاتی ہیں تو کیا اس کے کہنے پر اداکاری کو خیرباد کہہ دیں گی؟

 سوال پر یشما نے کہا کہ وہ قربانی دے دیں گی اگر مذکورہ شخص ان کو وہ سب فراہم کرے جس کا اس نے وعدہ کیا ہے اور اس کی محبت سچی ہو تو وہ اداکاری کو بھی چھوڑ دیں گی۔