پاکستانی شوبز انڈسٹری میں سیف حسن نام کسی تعرف کا محتاج نہیں، وہ ایک باکمال ہدایت کار اور بہترین اداکار ہیں۔

سیف حسن نے بطور ہدایت کار جتنے بھی پراجیکٹس کیے ان میں ان کا غیر معمولی کام ہمیشہ ہی مداحوں کی جانب سے سراہا گیا، عمدہ اسکرپٹ سے لے کر کردار کی مناسبت سے اداکاروں کا چناؤ تک میں ان کے منجھے ہوئے ہدایت کار کی جھلک دکھائی دیتی ہے، یہاں تک کہ وہ اپنی بہترین ٹیم کے لیے بھی جانے جاتے ہیں جس میں مصطفی آفریدی اور ہم ٹی وی شامل ہیں۔

 ان کے مشہور ڈرامے سنگ مر مر، سنگ ماہ اور زرد پتوں کا بن شامل ہیں، جبکہ ڈرامہ سیریل تن من نیل او نیل صارفین کی توجہ حاصل کرنے میں کامیاب رہا، شائقین نے اس ڈرامے کی کاسٹ کو بے حد پسند کیا۔

سیف حسن نے حال ہی میں ایک نجی چینل کے پروگرام میں انٹرویو کے دوران کہا کہ ڈرامہ سیریل تن من نیل و نیل میں سحر خان نے اپنی شاندار اداکاری کی وجہ سے سجل علی کو پیچھے چھوڑ دیا ہے۔

 ان کا مزید  یہ بھی کہنا تھا کہ سجل نے نادان سے انکار کردیا اور پھر جب وہ اسے تن من نیل او نیل میں سائن کرنا چاہتے تھے تو سجل نے فون نہیں اٹھایا۔

اس انٹرویو کے بعد سوشل میڈیا پر ایک نئی بحث کا آغاز ہوگیا ہے جس میں صارفین نے سحر کا موازنہ سجل علی سے کرنے پر حسن کو آڑے ہاتھوں لیتے ہوئے کہا کہ سحر خان کا سجل سے موازنہ کرنے کی اصل وجہ سجل کا کردار سے انکارکرنا تھا۔

 سجل کے ایک اور مداح نے کہا، مجھے خوشی ہے کہ سجل نے تن من نیل و نیل کو ٹھکرا دیا کیونکہ وہ پہلے ہی سماجی مسائل پر متعدد اسکرپٹس کر چکی ہیں۔

 ایک اور مداح کا کہنا تھا کہ سجل جتنا اچھا کوئی نہیں ہوسکتا کیونکہ وہ تجربہ کار اور باصلاحیت اداکارہ ہیں، سحر خان کی اداکاری ہر کردار میں یکساں ہے۔

 ایک مداح نے لکھا کہ ڈرامے اور ڈرامے کے ذریعے دیے گئے پیغام کو دیکھیں لیکن سحر خان کو سجل علی سے بہتر ریٹنگ دیتے ہوئے ڈائریکٹر نے خود ہی اسے برباد کردیا۔  ایک اور سوشل میڈیا صارف نے کہا کہ سحر خان ایک ابھرتی ہوئی اسٹار ہیں، میں ان کے لیے خوش ہوں لیکن سجل سے کوئی موازنہ نہیں ہے۔