بھارتی اداکار جان ابراہم کی فلم ’’دی ڈپلومیٹ‘‘ کے ٹیزر نے مداحوں کے دل جیت لئے ہیں۔

بالی ووڈ اداکار جان ابراہم کی نئی فلم ’’دی ڈپلومیٹ‘‘ کا ٹیزر جاری کر دیا گیا ہے جس میں جان ابراہم کے ساتھ سادیہ خاتیب، ریوا تھی اور کُمُد مشرا جیسے اہم کردار بھی نظر آتے ہیں۔

اداکار جان ابراہم کی نئی فلم ایک ایسی دنیا کو پیش کرتی ہے جہاں ہائی سٹیکس ڈپلومیسی اور حقیقی دنیا کے تنازعات کا سامنا کیا جاتا ہے اور جہاں سفارتکار جے پی سنگھ کا کردار جان ابراہم نے ادا کیا ہے جبکہ سادیہ خاتیب نے عظیم سیاسی چیلنجوں کے ساتھ اپنا کردار نبھایا ہے۔

ٹیزر میں دکھایا گیا ہے کہ کیسے ایک سفارتکار کے پاس ہتھیار نہیں ہوتے بلکہ اس کے پاس صرف ذہانت، حکمت عملی اور الفاظ کا جادو ہوتا ہے۔

واضح رہے کہ دی ڈپلومیٹ کی ہدایتکاری شیوم نائر اور اسکرین پلے ریتیش شاہ نے کی ہے اور اسے 7 مارچ کو ریلیز کیا جائے گا۔