پاکستان کے معروف گلوکار عاطف اسلم نے بریک اپ کے غم میں ڈوبے نوجوانوں کو بہترین مشورہ دے دیا۔

نوجوان نسل کے پسندیدہ گلوکار عاطف اسلم نے اپنے حالیہ وی لاگ میں بریک اپ کے بارے میں اپنے خیالات کا اظہار کیا اور متعدد مداحوں کے سوالات کے جوابات بھی دیے۔

ایک مداح کے سوال کے جواب میں گلوکار نے کہا کہ اگر تو بریک آپ نے خود کیا ہے تو بہترین کام کیا ہے، مجھے آپ پر واقعی فخر ہے، بریک اپ، میک اپ اور رشتے ہی زندگی میں سب کچھ نہیں ہیں۔

انہوں نے کہا کہ زندگی میں کرنے کے لیے اور بھی بہت سے کام ہیں، اپنا کیریئر بنائیں، زندگی میں ان سب چیزوں سے آگے بڑھیں اور پروان چڑھیں۔

عاطف اسلم نے مشورہ دیتے ہوئے کہا کہ زندگی میں مالی طور پر مستحکم ہونا بہت ضروری ہوتا ہے، آپ کے پاس اتنا پیسہ ہونا چاہیے کہ یہ رشتے خود آپ کے پاس آئیں اور آپ سے پوچھیں کہ بتا، تیری رضا کیا ہے؟