بالی ووڈ اداکارہ حنا خان کینسر جیسے موذی مرض کے خلاف زندگی اور موت کی جنگ لڑ رہی ہیں۔

حال ہی میں اداکارہ حنا خان نے اپنی بیماری اور اس کے علاج سے متعلق مداحوں سے کچھ اہم معلومات شیئر کی ہیں۔

اداکارہ حنا خان نے بتایا کہ کینسر کے علاج کے سلسلے میں کیموتھراپی اور پھر اس کے بعد سرجری کا عمل مکمل ہوچکا ہے، اب میں امیونوتھراپی لے رہی ہوں اور اب سب کچھ ٹھیک چل رہا ہے، آپ لوگوں نے ہمت بندھائی اور حوصلہ دیا جس کا شکریہ۔

حنا خان کی یہ گفتگو ایوارڈ شو میں ایک خاتون فوٹوگرافر نے ریکارڈ کی تھی اور اپنے انسٹاگرام اکاؤنٹ پر شیئر کی ہے، جس پر سوشل میڈیا صارفین نے اداکارہ کے لیے نیک تمناؤں کا اظہار کیا اور اپنی صحت پر توجہ دینے کی اپیل کی۔

بھارتی اداکارہ سماجی رابطے کی ویب سائٹس وقتاً فوقتاً کینسر کے علاج کے دوران اپنے تجربات اور آگاہی پر مواد بھی شیئر کرتی رہی ہیں۔

یاد رہے کہ 37 سالہ اداکارہ حنا خان کو 2024 میں اسٹیج 3 کے بریسٹ کینسر کی تشخیص ہوئی تھی اور تب سے وہ کم ہی میڈیا پر آتی ہیں۔