ہانیہ عامر کا شمار پاکستانی شوبز انڈسٹری کی صف اول کی اداکاراؤں میں ہوتا ہے اور یہ  مقام انہوں نے اپنے کئی ڈراموں بہترین اداکاری سے حاصل کیا ہے، یہی وجہ ہے وہ نوجوان نسل کی سپر اسٹار ہیں۔

ہانیہ نہ صرف پاکستان بلکہ ہندوستان میں بھی بے پناہ شہرت رکھتی ہیں، ان کے دو مشہور ڈرامے ہمسفر اور کبھی میں کبھی تم نے انہیں شہرت کی بلندیوں پر پہنچا دیا۔

ہانیہ عامر سوشل میڈیا پر کافی متحرک رہتی ہیں اور اپنے مداحوں کے لیے گاہے بگاہے پوسٹ شیئر کرتی رہتی ہیں, تاہم اس بار ہانیہ عامر کی انسپائریشن کوئی اور نہیں بلکہ بالی ووڈ سپر اسٹار دپیکا پڈوکون ہیں، ہانیہ عامر نے شانتی پریا کے طور پر فلم اوم شانتی اوم کے مشہور سین کے طرز پر ایک ویڈیو شیئر کی۔

اوم شانتی اوم میں بالی ووڈ کوئن دپیکا پڈوکون گلابی رنگ کا لباس زیب تن کیے گاڑی سے باہر آتی ہیں اور اپنے مداحوں کو ہاتھ ہلاکر جواب دیتی ہیں، واضح رہے کہ ہندوستانی سنیما میں یہ سین سب سے زیادہ پسند کیے جانے والے فلمی سین میں سے ایک ہے۔

ہانیہ عامر نے اسی سین کو اپنے انداز سے فلمایا، ویڈیو میں دیکھا جاسکتا ہے کہ  ہانیہ  گولڈن گاؤن زیب تن کیے گاڑی سے باہر آتی ہیں اور ہاتھوں سے اپنے مداحوں کو جواب دیتی ہیں۔

 سوشل میڈیا صارفین ہانیہ عامر کی اس ویڈیو کو کافی پسند کر رہیں ہیں۔