بالی ووڈ کی معروف اداکارہ اور بچن خاندان کی بہو ایشوریا رائے بچن کی گاڑی ایک حادثے کا شکار ہوگئی۔

بھارت کی خوبرو اداکارہ ایشوریا رائے بچن کی گاڑی ایک حادثے کا شکار ہونے پر ان کے مداحوں میں تشویش کی لہر دوڑ گئی ہے۔

سوشل میڈیا پر وائرل ویڈیو میں دیکھا جا سکتا ہے کہ ایک بس ان کی کار کے پچھلے حصے سے ٹکرا گئی جس سے گاڑی کو نقصان پہنچا، خوش قسمتی سے حادثے کے وقت ایشوریا گاڑی میں موجود نہیں تھیں اور کوئی جانی نقصان نہیں ہوا۔

حادثے کے باعث ممبئی کے اس علاقے میں تقریباً آدھے گھنٹے تک ٹریفک جام رہا جسے بعد میں پولیس نے کلیئر کر دیا۔

 پولیس نے فوری طور پر ایشوریا کی کار کو محفوظ مقام پر منتقل کیا تاکہ مزید ہجوم اکٹھا نہ ہو۔