عاطف اسلم کا شمار پاکستان سمیت دنیا کے مشہور گلوکاروں میں ہوتا ہے ان کی آواز کا جادو نہ صرف پاکستان بلکہ پڑوسی ملک میں بھی سر چڑھ کر بولتا ہے۔

عاطف اسلم ایک خوبصورت آواز کے مالک ہونے کے ساتھ ایک متاثر کن شخصیت رکھتے ہیں، یہی وجہ ہے کہ دنیا بھر میں ان کے مداحوں کی تعداد لاکھوں میں ہیں۔

عاطف اسلم اپنے گانوں کے لیے ہی نہیں بلکہ اپنے عارفانہ کلام کے لیے بھی بے پناہ شہرت رکھتے ہیں، ان کی آواز میں حمدو نعت ہو یا اسماء حسنیٰ سننے والوں پر ایک سحر سا طاری کر دیتے ہیں۔

عاطف اسلم ہرسال رمضان کے بابرکت مہینے میں میں اپنا ایک کلام ضرور پیش کرتے ہیں، اسی روایت کو برقرار رکھتے ہوئے اس سال بھی انہوں نے ایک بہت ہی خوبصورت نعت یا نبی السلام علیک اپنی خوبصورت آواز میں پیش کی ہے، جسے سن کر ایک سماہ سا بندہ جاتا ہے۔

اس نعت کو انہوں نے تنہا نہیں بلکہ دو دیگرساتھی فنکاروں احسن پرویز مہدی اور کمیل جعفری کے ساتھ مل کر پیش کیا ہے۔