معروف اداکارہ نازش جہانگیر بڑی مشکل میں پھنس گئیں ہیں، جن کے خلاف امانت میں خیانت، فراڈ اور دھمکیاں دینے کا الزام عائد کیا گیا ہے۔

لاہور کے کینٹ کچہری کے جوڈیشل مجسٹریٹ نے نازش جہانگیر کے وارنٹ گرفتاری جاری کرتے ہوئے ڈیفنس سی پولیس کو گرفتار کرکے پیش کرنے کا حکم دیا ہے۔

اس مقدمے میں مدعی اسود ہارون نے اداکارہ کے خلاف مقدمہ درج کروا رکھا ہے، جس میں فراڈ کی دفعات شامل تھیں۔ بعد ازاں، مدعی نے مقدمے میں امانت میں خیانت، فراڈ اور دھمکیاں دینے کی دفعات بھی شامل کر دیں۔

عدالت نے نازش جہانگیر، سکندر خان اور دیگر ملزمان کے وارنٹ گرفتاری جاری کیے ہیں۔

مدعی مقدمہ نے وارنٹ گرفتاری ڈیفنس سی پولیس میں جمع کروا دیے ہیں۔ عدالت نے نازش جہانگیر اور دیگر ملزمان کو 22 مارچ کو پیش ہونے کا حکم دیا ہے۔