کراچی کی ضلعی عدالت نے نجی بینک میں کروڑوں روپے کے فراڈ کے مقدمے میں گرفتار معروف اداکارہ نادیہ حسین کے شوہر عاطف محمد خان کو 5 روزہ جسمانی ریمانڈ پر وفاقی تحقیقاتی ادارے (ایف آئی اے) کے حوالے کردیا۔

رپورٹ کے مطابق جوڈیشل مجسٹریٹ کی عدالت کے روبرو کروڑوں روپے کے فراڈ کرنے کے مقدمے میں ایف آئی اے نے اداکارہ نادیہ حسین کے شوہر عاطف خان کو ریمانڈ مکمل ہونے پر پیش کیا۔

تفتیشی افسر نے عدالت کو بتایا کہ فراڈ میں ملوث مزید لوگوں کو گرفتار کرنا ہے۔

ایف آئی اے نے ملزم کے 11 روزہ جسمانی ریمانڈ کی استدعا کی، عدالت نے ملزم کے جسمانی ریمانڈ میں 5 روز کی توسیع کردی اور آئندہ سماعت پر تفتیشی افسر سے پیشرفت رپورٹ طلب کرلی۔

واضح رہے کہ چند روز قبل وفاقی تحقیقاتی ایجنسی (ایف آئی اے) نے اداکارہ نادیہ حسین کے شوہر عاطف احمد کو ان کی رہائش گاہ سے نجی بینک میں کروڑوں روپے کے خرد برد کے الزام میں گرفتار کیا تھا،۔

مقدمہ کے مطابق عاطف احمد خان پر الزام ہے کہ انہوں نے کمپنی کے 80 ملین روپے ذاتی ٹریڈنگ کے لیے استعمال کیے ہیں۔