پاکستانی شوبز انڈسٹری کی معروف اداکارہ منال خان نے نماز اور روزوں پر تنقید کرنے والوں کو کرارا جواب دے دیا۔

حال ہی میں منال خان نے فیس بک پر ایک ویڈیو شیئر کی جس میں انہوں نے اپنی مذہبی عبادات پر کی جانے والی تنقید کا جواب دیا اور کہا کہ کل میں نے جو ویڈیو شیئر کی، وہ بہت سارے لوگوں کو پسند آئی لیکن کچھ نے سوال کیا کہ کیا میں نے مغرب کی نماز پڑھی یا نہیں؟

اداکارہ نے بتایا کہ آج میں نے نماز ادا کی اور سوچا آپ سب سے شیئر کرلوں اور ہاں میرے ناخنوں پر نیل پالش بھی نہیں ہے، ہم بھی مسلمان ہیں نماز پڑھتے ہیں، روزے رکھتے ہیں اور عبادت بھی کرتے ہیں۔

منال خان کی رمضان روٹین کو مداحوں نے بہت سراہا جبکہ ان کے دوپٹے کے ساتھ انداز اور نو میک اپ لک کو بھی پسند کیا جا رہا ہے۔