بالی ووڈ اداکار شاہد کپور کا کرینہ کپور کے ساتھ سوشل میڈیا پر وائرل ہونے والی ویڈیو پر ردعمل سامنے آگیا۔

آئیفا 2025 کی پریس کانفرنس کے دوران اداکار شاہد کپور اور کرینہ کپور کو ایک پُرجوش لمحہ بانٹتے ہوئے دیکھا گیا، دونوں ستاروں کو ایک دوسرے سے گلے ملتے اور بات چیت کرتے ہوئے دیکھا گیا جس کی ویڈیو سوشل میڈیا پر تیزی سے وائرل ہورہی ہے۔

سوشل میڈیا پر شاہد کپور اور کرینہ کپور کی وائرل ہونے والی اس ویڈیو نے مداحوں کو خوشگوار حیرت میں مبتلا کردیا ہے۔

اس حوالے سے اداکار شاہد کپور نے ردعمل دیتے ہوئے کہا کہ یہ کوئی نئی بات نہیں، عام طور پر نارمل ہے۔

واضح رہے کہ کرینہ اور شاہد نے بالی ووڈ کی چند آئیکونک فلموں میں سے ایک ’’جب وی میٹ‘‘ میں ایک ساتھ کام کیا تھا، یہ رومینٹک فل آج بھی شائقین کے ذہنوں پر نقش ہے اور پرستار انھیں ان کے کردار گیت اور آدتیہ کے نام سے جانتے ہیں۔

کسی زمانے میں ایک دوسرے سے قریبی تعلقات میں رہنے والا یہ جوڑا اپنی راہیں برسوں پہلے جدا کرچکا ہے اور اپنی اپنی شادی شدہ زندگی میں خوش ہے۔