پاکستان شوبز کی خوبرو اداکارہ مایا علی نے کہا ہے کہ وہ شادی کیلئے تیار ہیں تاہم جب صحیح شخص زندگی میں آئے گا تب ہی شادی کریں گی۔

حال ہی میں دیے گئے اپنے ایک انٹرویو میں مایا علی نے کہا کہ شادی کیلئے مکمل طور پر تیار ہوں، گھر والوں کی طرف سے شادی کا کوئی دباؤ نہیں ہے، اس فیصلے میں کوئی جلد بازی نہیں کرنا چاہتی۔

انہوں نے بتایا کہ وہ ایک ایسے شخص سے شادی کرنا چاہیں گی جو ان کی والدہ کی عزت کرے، ان کے کام کو سمجھے اور انہیں سپورٹ کرے۔

اداکارہ نے مزید کہا کہ ان کی والدہ اکثر شادی کو لے کر پریشان ہوجاتی ہیں تاہم ان کے بھائی اور کزنز ان کی والدہ کو سمجھاتے ہیں کہ مایا کو شادی کا فیصلہ خود کرنے دیں اور جب اسے کوئی اس کے مطابق شخص ملے وہ تب ہی شادی کرے۔