پاکستان شوبز کی معروف اداکارہ مریم نفیس کے ہاں بیٹے کی پیدائش ہوئی ہے جس کا نام عیسیٰ رکھا گیا ہے۔

مریم نفیس نے اپنے نومولود بیٹے کی تصاویر انسٹاگرام پر شیئر کیں، جن میں ان کے شوہر امان بھی موجود ہیں اور دونوں نے بچے کو تھاما ہوا ہے۔

اداکارہ مریم نفیس نے انسٹاگرام پر اپنے مداحوں کے ساتھ اس خوشخبری کو شیئر کرتے ہوئے کیپشن میں لکھا کہ ہماری دنیا اب اور بھی حسین ہوگئی ہے۔

انہوں نے لکھا کہ ملیں سید عیسیٰ امان احمد سے، یہ ننھا فرشتہ جو ایک ہفتے سے بھی کم عمر کا ہے، اس بابرکت ماہ میں آ کر ہماری محبت میں بھرپور رنگ بھر چکا ہے۔

مریم نفیس نے بیٹے کی پیدائش پر خوشی کا اظہار کرتے ہوئے اپنے تمام مداحوں سے دعا کی درخواست کی اور کہا کہ اللہ آپ کے سارے خواب پورے کرے، ہمیں اپنی دعاؤں میں یاد رکھیں۔

اداکارہ نے اولاد کی خوہش مند خواتین کے لیے دعا کی کہ اللہ آپ کو جلد ہی ایک صحت مند بچہ عطا فرمائے۔