پاکستانی ٹک ٹاک اسٹار اور فیشن ماڈل جنت مرزا کو پشاور زلمی کی آفیشل سوشل میڈیا ایمبیسیڈر مقرر دیا گیا ہے۔

پاکستان سپر لیگ (پی ایس ایل) کی معروف فرنچائز پشاور زلمی کی جانب سے معروف ٹاک ٹاکر جنت مرزا کو اپنی ٹیم کی آفیشل سوشل میڈیا ایمبیسیڈر مقرر کرنے کا اعلان کیا گیا ہے۔

اس بات کا اعلان ٹیم نے اپنے سوشل میڈیا پلیٹ فارمز پر کیا، جس کے تحت جنت مرزا پی ایس ایل کے 10ویں سیزن کے دوران زلمی کے ڈیجیٹل اور آن لائن تشہیری مہم کا حصہ ہوں گی۔

جنت مرزا پاکستان کی سب سے زیادہ فالو کی جانے والی سوشل میڈیا اسٹارز میں سے ایک ہیں، پشاور زلمی کی اس شراکت داری کا مقصد ٹیم کی نوجوانوں میں مقبولیت کو مزید بڑھانا اور ڈیجیٹل پلیٹ فارمز پر اپنے مداحوں کے ساتھ بہتر روابط قائم کرنا ہے۔

دوسری جانب پشاو زلمی نے عالمی شہرت یافتہ پاکستانی اداکارہ ماہرہ خان کو ٹیم کی برانڈ ایمبیسیڈر مقرر کیا ہے۔

واضح رہے کہ شائقین کرکٹ کے لیے انتظار کی گھڑیاں ختم ہوگئی ہیں، پاکستان سپر لیگ (پی ایس ایل) کا 10 واں سیزن آج اپنی پوری آب و تاب سے شروع ہورہا ہے۔