پاکستان کے معروف ڈرامہ نگار خلیل الرحمان قمر نے بھارت کے ساتھ کام کرنے کا فیصلہ کر لیا۔

حال ہی میں خلیل الرحمان قمر نے ایک نجی پوڈ کاسٹ میں بطور مہمان شرکت کی جہاں انہوں نے ہنی ٹریپ کے واقعے پر کھل کر بات کی اور ساتھ ہی کہا کہ اب میں بھارت میں کام کرنے کے لیے تیار ہوں۔

ایک سوال کا جواب دیتے ہوئے مصنف نے کہا کہ ہم اپنے ہیروز کی عزت نہیں کرتے، یہاں ہیروز کو مجرم بنانے کا رجحان ہے۔

انکا کہنا تھا کہ مجھے یاد ہے کہ جب میں بھارت جاتا تھا، وہاں کے لوگ میری اتنی عزت کرتے تھے، بعض تو اپنے والدین سے بڑھ کر عزت کرتے تھے لیکن پاکستانی شائقین کا اپنے ساتھ رویہ دیکھ کر مجھے تکلیف ہو رہی ہے۔

دوران انٹرویو خلیل الرحمان قمر نے کہا کہ ایک وقت تھا جب میں بھارت کے لیے لکھنے سے انکار کرتا رہا کیونکہ وہاں پاکستانی ادیبوں، فنکاروں اور فلم سازوں کو وہ عزت نہیں ملتی تھی جیسے پاکستان میں ملتی ہے۔

انہوں نے مزید کہا کہ میں نے اب تک بھارت کے لیے لکھنے سے انکار کرتا رہا لیکن اب اپنا فیصلہ بدل لیا ہے، جو سلوک میرے ساتھ ہوا ہے اس نے میری محبت پر کاری ضرب لگا دی ہے، میرے ساتھ انصاف نہیں ہوا، اس لیے اب ذاتی طور پر بھارت کے لیے کام کرنا پسند کروں گا۔