بھارتی فلم انڈسٹری کے دبنگ اداکار سلمان خان کو جان سے مارنے کی دھمکی کے کچھ ہی گھنٹے بعد ان کا مبہم بیان سامنے آ گیا۔

قتل کی دھمکی موصول ہونے کے بعد سلمان خان نے انسٹاگرام پر اپنی جم سیشن کی تصاویر شیئر کیں جن میں ان کی فٹنس اور نمایاں بائسپس مداحوں کی توجہ کا مرکز بن گئے۔

جم کے ٹریننگ سیشن سے جاری تصاویر کے کیپشن میں سلمان خان نے لکھا ہے کہ حوصلہ افزائی کے لیے آپ کا شکریہ۔

سوشل میڈیا پر سلمان خان کی یہ نئی تصویر اور اس میں دکھائی دینے والی ان کی محنت اور فٹنس کو دیکھ کر مداح حیران رہ گئے جس کے بعد اس پر تعریف کرنے والوں کی لائن لگ گئی۔

واضح رہے کہ بالی ووڈ سپر اسٹار سلمان خان کی گاڑی کو بم سے اڑا دینے کی نئی دھمکی موصول ہوئی ہے، تاہم یہ دھمکی سلمان خان کو پیر کے روز واٹس ایپ کے ذریعے ممبئی کے ورلی ٹریفک ڈپارٹمنٹ کے آفیشل نمبر پر بھیجی گئی ہے۔

پیغام میں کہا گیا ہے کہ سلمان خان کو ان کے گھر میں قتل کر دیا جائے گا اور ان کی کار کو بم سے اُڑا دیا جائے گا۔

سلمان خان کو گزشتہ 2 سالوں میں 5 ویں مرتبہ جان سے مار دینے کی دھمکی موصول ہوچکی ہے۔