پاکستانی ٹک ٹاکر مناہل ملک کی ایک بار پھر متنازع ویڈیو لیک ہوگئی جس پر ان کا حیران کن ردعمل بھی سامنے آگیا ہے۔

حال ہی میں سوشل میڈیا پر گردش کرنے والی مبینہ نجی ویڈیوز کے بعد مناہل ملک نے اپنے جذباتی پیغام میں کہا کہ میرے بارے میں آج اور کل جو لوگ باتیں کر رہے ہیں وہ کرتے رہیں کیونکہ مجھے گھنٹہ کوئی فرق نہیں پڑتا۔

انہوں نے کہا کہ لوگوں کے بھوکنے اور نفرت کرنے سے مجھے کوئی فرق نہیں پڑتا کیونکہ میں جس جگہ سے ہوکر آئی ہوں بہت سکون میں ہوں۔

ٹک ٹاکر کا کہنا تھا کہ جب میں آللہ کے گھر گئی تو ان سب لوگوں کو معاف کر کے آئی ہوں جن لوگوں نے میرے ساتھ برا کیا اور اب میں بہت خوش ہوں۔

مناہل ملک نے کہا کہ کچھ اختیارات اللہ کے پاس ہی اچھے لگتے ہیں اور وہیں ہونے چاہیے، جس کو جو بُرا کرنا ہے کرے لیکن اتنا یاد رکھیے گا آپ کے گھر میں بھی ماں بہنیں ہیں۔

انہوں نے کہا کہ جو لوگ مجھے جانتے ہیں انہیں پتا ہے میں کیسی ہوں اور کیا ہوں، اگر میں دو نمبر ہوتی تو اللہ مجھے اپنے گھر کیوں بلاتا؟ میرا معاملہ اب اللہ کے حوالے ہے، تو براہ کرم میرا باپ بننے کی کوشش نہ کریں۔

ٹک ٹاکر مناہل ملک نے یہ بھی واضح کیا کہ مشکل وقت میں صرف ان کا خاندان ہی ان کے ساتھ کھڑا رہا۔

واضح رہے کہ رمضان المبارک میں عمرہ ادا کرنے اور عید منانے کے بعد اب مناہل ملک کی ایک اور نجی ویڈیو سوشل میڈیا پر وائرل ہوگئی ہے جس نے صارفین میں اشتعال کو جنم دیا ہے۔

یہ کوئی پہلا واقعہ نہیں جب مناہل ملک کے نام سے منسوب فحش مواد نے سوشل میڈیا پر ہلچل مچائی ہو، گزشتہ سال اکتوبر میں بھی ایسی ہی کئی ویڈیوز نے انہیں تنقید کا نشانہ بنایا تھا جس کے بعد انہوں نے عارضی طور پر سوشل میڈیا چھوڑنے کا اعلان کیا تھا۔