پاکستان کی مقبول شوبز جوڑی دانش تیمور اور عائزہ خان کی یورپ میں موج مستیاں جاری ہیں۔

دانش تیمور اور عائزہ خان ان دنوں یورپ میں چھٹیاں گزار رہے ہیں، جہاں سے وہ مداحوں کو مسلسل اپنی دلکش تصاویر سے محظوظ کر رہے ہیں۔

حال ہی میں اس جوڑی نے اسپین کے مشہور سانتیاگو برنابیو اسٹیڈیم میں ہونے والا فٹبال میچ دیکھا اور ریال میڈرڈ کو سپورٹ کیا۔

میچ کے دوران ریال میڈرڈ اور والنسیا کے درمیان دلچسپ مقابلہ دیکھنے کو ملا، تاہم عائزہ اور دانش کی پسندیدہ ٹیم ریال میڈرڈ کو شکست کا سامنا کرنا پڑا۔

عائزہ خان اور دانش تیمور نے اسٹیڈیم سے اپنی چند تصاویر سوشل میڈیا پر شیئر کیں جنہیں دیکھ کر مداحوں کی جانب سے خوب پسند کیا جارہا ہے۔

عائزہ خان ہمیشہ کی طرح خوبصورت اور پُرکشش نظر آئیں جبکہ دانش تیمور کا کیژوال لُک بھی مداحوں کو بھا گیا۔