پاکستانی شوبز انڈسٹری کی باصلاحیت اور دلکش اداکارہ نیلم منیر کی ڈرماٹولوجسٹ ڈاکٹر عنبرین نے ان کی خوبصورتی کے راز سے پردہ اٹھادیا۔

حال ہی میں اداکارہ نیلم منیر کی ڈرماٹولوجسٹ ڈاکٹر عنبرین ایک نجی شو میں بطور مہمان شریک ہوئیں جہاں انہوں نے انکشاف کیا کہ نیلم منیر نے ان کے پوڈکاسٹ کے لیے کوئی معاوضہ نہیں لیا۔

ڈاکٹر عنبرین نے بتایا کہ نیلم منیر اپنی خوبصورتی میں مصنوعی چیزوں سے زیادہ جدید اسکن کیئر ٹریٹمنٹس پر یقین رکھتی ہیں۔

انہوں نے بتایا کہ نیلم منیر کو زیادہ کسی چیز کی ضرورت نہیں کیونکہ وہ پہلے ہی بہت حسین ہیں لیکن ایک پروسیجر ہے جس کی وہ دیوانی ہو چکی ہیں اور وہ ہے ایکسوسوم تھراپی۔

ڈاکٹر عنبرین کے مطابق یہ ایک جدید، سائنسی اور مہنگا طریقہ علاج ہے جس کے نتائج فوری اور شاندار ہوتے ہیں۔

واضح رہے کہ ایکسوسوم تھراپی ایک جدید کاسمیٹک پروسیجر ہے جس میں نوزائیدہ بچے کی نال (Placenta) سے حاصل کردہ پلازما کو جلد میں داخل کیا جاتا ہے، یہ علاج جلد کو گلو دیتا ہے، جھریاں کم کرتا ہے اور مجموعی طور پر چہرے کو تازگی اور جوانی کا تاثر دیتا ہے۔