پاکستان شوبز انڈسٹری کی مقبول اداکارہ انمول بلوچ کا بولڈ ساڑھی لک سوشل میڈیا پر تیزی سے وائرل ہورہا ہے۔

معروف اداکارہ انمول بلوچ کو حال ہی میں اپنے انسٹاگرام پر شیئر کی گئی تصاویر پر سوشل میڈیا صارفین کی جانب سے تنقید اور حمایت دونوں کا سامنا کرنا پڑ رہا ہے۔

انمول بلوچ نے اپنی نئی تصاویر میں باربی پنک ساڑھی میں منفرد انداز اپنایا، جو تیزی سے سوشل میڈیا پر وائرل ہو گیا۔ تاہم، ان کے اس فیشن لک پر سوشل میڈیا صارفین کی آرا منقسم نظر آئیں۔

کئی صارفین نے ان کے لباس کو “نامناسب” قرار دیا اور رائے دی کہ بطور اداکارہ انہیں لباس کے انتخاب میں احتیاط برتنی چاہیے جبکہ کچھ نے یہ بھی کہا کہ اداکارہ کو ماڈلنگ اسٹائل سے گریز کرنا چاہیے۔

اس کے برعکس متعدد صارفین نے انمول بلوچ کا دفاع کرتے ہوئے کہا کہ فیشن اور لباس کا انتخاب ہر فرد کا ذاتی حق ہے، اور اداکاروں کو اپنی تخلیقی آزادی کے ساتھ تجربات کرنے کی مکمل آزادی حاصل ہونی چاہیے۔

یہ پہلا موقع نہیں جب کسی شوبز شخصیت کے فیشن پر سوشل میڈیا پر بحث چھڑی ہو، تاہم انمول بلوچ کی حالیہ پوسٹ نے ایک بار پھر فیشن، آزادیِ اظہار اور عوامی توقعات پر نئی گفتگو چھیڑ دی ہے۔