پاکستان شوبز کی خوبرو اداکارہ ہانیہ عامر کی نئی تصاویر سوشل میڈیا پر وائرل ہوگئی ہیں جس پر صارفین کا ملا جلا ردعمل سامنے آرہا ہے۔

پاکستان کی مقبول اداکارہ اور سوشل میڈیا پر سب سے زیادہ فالو کی جانے والی شخصیات میں شامل ہانیہ عامر ایک بار پھر خبروں کی زینت بن گئیں، تاہم اس بار وجہ ان کی اداکاری نہیں بلکہ سوشل میڈیا پر وائرل ہونے والی تصاویر ہیں۔

انسٹاگرام پر 18.6 ملین فالوورز رکھنے والی ہانیہ عامر نے حال ہی میں چند تصاویر شیئر کیں، جنہیں بعض سوشل میڈیا صارفین نے “بولڈ” قرار دے کر تنقید کا نشانہ بنایا، تصاویر منظرِ عام پر آتے ہی مختلف حلقوں میں بحث کا آغاز ہو گیا۔

کئی صارفین نے ہانیہ کے انداز پر ناپسندیدگی کا اظہار کرتے ہوئے رائے دی کہ اداکارہ کو اپنے مقام اور اثر و رسوخ کو مدِنظر رکھتے ہوئے زیادہ ذمہ داری کا مظاہرہ کرنا چاہیے جبکہ بعض صارفین نے کہا کہ عوامی شخصیات کو ایسا رویہ اختیار کرنا چاہیے جو نوجوانوں کے لیے مثبت مثال قائم کرے۔

دوسری جانب کئی مداحوں نے ہانیہ عامر کی خوداعتمادی اور اظہارِ رائے کے حق کی حمایت کرتے ہوئے کہا کہ فنکاروں کو اپنی شناخت کے اظہار کا حق حاصل ہے اور تنقید کا نشانہ بنانے کے بجائے مثبت گفتگو کو فروغ دینا چاہیے۔

یاد رہے کہ ہانیہ عامر حالیہ برسوں میں کئی کامیاب ڈراموں میں اداکاری کے جوہر دکھا چکی ہیں اور ان کی فنکارانہ صلاحیتوں کو وسیع پیمانے پر سراہا گیا ہے۔