پاکستان کی معروف اداکارہ یمنیٰ زیدی اپنے انسٹاگرام پر 10 ملین فالوورز مکمل ہونے پر خوشی سے نہال ہیں۔

اداکارہ یمنیٰ زیدی نے فوٹو اینڈ ویڈیو شیئرنگ پلیٹ فارم انسٹاگرام پر 10 ملین (ایک کروڑ) فالوورز مکمل ہونے پر خوشی کا اظہار کرتے ہوئے اپنے مداحوں کا دل جیت لیا۔

یمنیٰ زیدی نے انسٹاگرام اسٹوری میں ایک خوبصورت پیغام شیئر کرتے ہوئے اپنے فالوورز کا شکریہ ادا کیا اور انہیں محبت، خوشبو اور رنگوں سے بھرے پھولوں سے تشبیہ دی۔

اداکارہ نے لکھا کہ کچھ عرصہ قبل میں نے خوشی کا ایک بیج بویا تھا اور اب میرا گلشن محبت، احترام اور خوشیوں سے بھرا ہوا ہے۔

انہوں نے مزید کہا کہ آپ سب کا بہت شکریہ، اب میرے انسٹاگرام کے گلشن میں 10 ملین خوبصورت پھول کھل چکے ہیں۔

واضح رہے کہ یمنیٰ زیدی پاکستان کی صفِ اوّل کی اداکاراؤں میں شمار ہوتی ہیں، انہوں نے دیگر کامیاب ڈراموں میں اپنی عمدہ اداکاری سے ناظرین کے دلوں میں خاص مقام بنایا، انکی یہ کامیابی نہ صرف ان کی فنی صلاحیتوں کا اعتراف ہے بلکہ اس بات کی علامت بھی ہے کہ وہ ناظرین کے دلوں میں ایک خاص جگہ رکھتی ہیں۔