پاکستان شوبز انڈسٹری کے معروف اداکار ہمایوں اشرف کی شادی نہ کرنے کی اصل وجہ سامنے آگئی ہے۔

اداکار ہمایوں اشرف نے حال ہی میں ایک ویب شو میں شرکت کے دوران شادی نہ کرنے کی وجہ پر کھل کر بات کی۔

شادی سے متعلق سوال پر ہمایوں اشرف نے جواب دیا کہ جب کوئی طویل عرصے تک اکیلا رہتا ہے تو اُسے تنہا زندگی کی عادت ہو جاتی ہے اور پھر شادی کے لیے معیار بھی بلند ہو جاتا ہے۔

اداکار نے کہا کہ انسان وقت کے ساتھ ساتھ دوسروں کی شادیوں سے بھی بہت کچھ سیکھتا ہے اور انہی تجربات کی روشنی میں وہ زیادہ حقیقت پسند ہو جاتا ہے۔

 ان کا کہنا تھا کہ میری نظر میں شادی تب ہی کامیاب ہوسکتی ہے جب دونوں افراد ایک دوسرے کی حقیقت کو سمجھیں اور ان میں ہم آہنگی ہو۔

ہمایوں اشرف نے مزید کہا کہ وہ اب تک اپنی زندگی کا وہ ہمسفر نہیں پا سکے جس کی انہیں تلاش ہے اور اسی وجہ سے انہوں نے اب تک شادی نہیں کی۔