پاکستان کی معروف و چلبلی اداکارہ ہانیہ عامر نے ان خبروں کی تردید کی ہے جن میں دعویٰ کیا جا رہا تھا کہ انہوں نے بھارتی مداحوں کے لیے انسٹاگرام پر نیا اکاؤنٹ بنایا ہے۔

اداکارہ نے بھارتی مداحوں کیلئے نیا انسٹاگرام اکاؤنٹ بنانے کی خبروں کو مسترد کردیا اور اپنی انسٹاگرام اسٹوری کے ذریعے وضاحت کرتے ہوئے کہا کہ ان کا صرف ایک ہی آفیشل انسٹاگرام اکاؤنٹ ہے اور وہ کسی دوسرے اکاؤنٹ سے منسلک نہیں۔

انہوں نے مداحوں کو خبردار کیا کہ اگر اُن کے نام سے منسوب کوئی اور اکاؤنٹ رابطہ کرے یا فرینڈ ریکوئسٹ بھیجے تو اسے فوری طور پر رپورٹ کریں۔

ہانیہ عامر نے اپنے مداحوں کا شکریہ ادا کرتے ہوئے کہا کہ جعلی اکاؤنٹس سے ہوشیار رہیں اور صرف تصدیق شدہ پلیٹ فارم پر ان سے رابطہ رکھیں۔

مزید پڑھیں: پاک بھارت کشیدگی؛ ہانیہ عامر تنقید کی زد میں آگئیں

واضح رہے کہ حالیہ دنوں بھارت کے علاقے پہلگام میں پیش آنے والے واقعے کے بعد سوشل میڈیا پر یہ قیاس آرائیاں کی جا رہی تھیں کہ اداکارہ نے ممکنہ پابندی کے باعث بھارتی مداحوں سے رابطہ رکھنے کے لیے نیا انسٹاگرام اکاؤنٹ بنایا ہے، تاہم ہانیہ عامر نے ان افواہوں کو سختی سے مسترد کر دیا ہے۔