پاکستان شوبز انڈسٹری کی مقبول اداکارہ ایمن خان اپنے ہاں تیسرے ننھے مہمان کو خوش آمدید کہنے کیلئے تیار ہیں۔

حالیہ عوامی تقریب میں اداکارہ ایمن خان کی شرکت کے بعد سوشل میڈیا پر ان کے ممکنہ طور پر تیسرے بچے کی آمد کے بارے میں چہ مگوئیاں شروع ہوگئیں۔

ایمن خان، جنہوں نے بطور چائلڈ آرٹسٹ شوبز کا آغاز کیا اور بعدازاں اداکار منیب بٹ سے رشتۂ ازدواج میں منسلک ہوئیں، اس وقت دو بیٹیوں کی ماں ہیں، تاہم اب سوشل میڈیا صارفین کا کہنا ہے کہ یہ خوبصورت جوڑا جلد ہی اپنے خاندان میں ایک اور ننھے مہمان کا استقبال کرنے والا ہے۔

یہ قیاس آرائیاں اُس وقت زور پکڑ گئیں جب ایمن خان گزشتہ شب ایک برانڈ لانچ ایونٹ میں سیاہ لباس پہنے نظر آئیں، تقریب کی تصاویر جیسے ہی سوشل میڈیا پر وائرل ہوئیں، مداحوں نے ان کے انداز اور “بےبی بمپ” کو دیکھتے ہوئے مبارکباد دینا شروع کر دی۔

ایک صارف نے خوشی کا اظہار کرتے ہوئے لکھا کہ واہ، لگتا ہے چھوٹے منیب جلد آنے والے ہیں جبکہ ایک اور نے دعا دی کہ اللہ آپ کو اس بار بیٹا عطا فرمائے۔

کئی مداحوں نے ایمن کے چہرے کی “ماں بننے والی چمک” کو دیکھ کر اندازے لگائے کہ وہ ایک اور بیٹی کی ماں بننے والی ہیں۔

یاد رہے کہ ابھی تک ایمن خان یا منیب بٹ کی جانب سے اس حوالے سے کوئی باقاعدہ تصدیق یا تردید سامنے نہیں آئی ہے۔