پاکستان کی مشہور گلوکارہ آئمہ بیگ نے حال ہی میں اپنی زندگی کے ایک خاص موڑ پر قدم رکھتے ہوئے اپنے دیرینہ دوست اور فیشن برانڈ کے مالک زین احمد سے کینیڈا میں شادی کر لی۔

گلوکارہ کی شادی کی خبریں سوشل میڈیا پر گردش کرنے لگیں لیکن آئمہ بیگ نے اپنی شادی کی تصدیق اور خوشی کے لمحات اپنی دلکش تصاویر شیئر کر کے اپنے مداحوں کے ساتھ شیئر کیے۔

تصاویر میں آئمہ بیگ خوبصورت آئوری رنگ کے عروسی جوڑے میں جلوہ گر تھیں، جن کے ساتھ انہوں نے خوبصورت سبز رنگ کا ڈوپٹہ بھی پہنا تھا، جس نے ان کے انداز میں چار چاند لگا دیے۔

آئمہ کا ہلکا پھلکا میک اپ اور سادہ جیولری والا لک سادگی اور خوبصورتی کا حسین امتزاج پیش کر رہا تھا۔ تاہم، ان کے عروسی لباس کی قیمت اور خاص بات بھی صارفین کی توجہ کا مرکز بنی۔

گلوکارہ نے اپنی شادی کے لیے معروف فیشن ڈیزائنر کا خصوصی کسٹمائزڈ جوڑا منتخب کیا، جس کی قیمت ویب سائٹ کے مطابق تقریباً 6 لاکھ 75 ہزار روپے ہے۔ اس جوڑے کے ساتھ سبز ڈوپٹہ کے انتخاب نے ان کی خوبصورتی میں مزید نکھار پیدا کیا۔

آئمہ بیگ کی یہ شادی ان کے کیریئر کے اہم اور خوشگوار لمحات میں سے ایک ہے، جسے انہوں نے اپنے مداحوں کے ساتھ بھی خوشی خوشی منایا۔