معروف یوٹیوبر اور ٹک ٹاک رجب بٹ پہلے بچے کی پیدائش پر خوشی سے نہال ہوگئے، جس کی ویڈیو سوشل میڈیا پر وائرل ہوگئی۔

رجب بٹ ایک مشہور یوٹیوبر اور ٹک ٹاکر ہیں جو  اکثر اپنے متنازع بیان کی وجہ سے خبروں میں رہتے ہیں، انہوں نے فیملی وی لاگنگ کی وجہ سے خاصی مقبولیت حاصل کی ہے۔

رجب بٹ چونکہ فیملی وی لاگر ہیں تو وہ اپنی فیملی میں ہونے والی ہر چھوٹی بڑی بات اور زندگی کے اچھے برے لمحوں کو صارفین کے ساتھ اپنی ویڈیو کے ذریعےشیئر کرتے ہیں اور ان کے مداح ان کی ہر ویڈیو کے منتظر رہتے ہیں۔

یہ بھی پڑھیں: آن لائن جوئے کی تشہیر کا الزام، رجب بٹ کیلئے قانونی مشکلات مزید بڑھ گئیں

رجب بٹ اس وقت ذاتی اسکینڈلز اور کچھ مقدمات کی وجہ سے ملک سے باہر ہیں، جبکہ ان کی اہلیہ ایمان رجب امید سے تھی اور دونوں ہی اپنے پہلے بچے کو خوش آمدید کہنے کے لیے پر امید تھے، تاہم اب رجب بٹ کے یہاں پہلے بچے کے پیدائش ہوئی ہے اللہ نے بیٹے کی نعمت سے نوازا ہے۔

یہ خبر اس وقت منظر عام پر آئی جب راجب بٹ کو برطانیہ میں ڈھول کی تھاپ پر خوشی سے رقص کرتے دیکھا گیا، اور وہ باپ بننے پر بے حد خوش اور مسرور نظر آئے۔