ڈکی بھائی کی گرفتاری کے بعد اہلیہ پہلی بارمنظرعام پرآگئیں۔ شوہر کی رہائی کےلئے اقدامات سے متعلق میڈیا کو آگاہ کردیا۔

عروب جتوئی اپنے شوہر کی گرفتاری کے بعد پہلی مرتبہ منظرعام پر آئی  ہیں۔انہوں نے عدالت کے باہر میڈیا کے نمائندوں سے گفتگو بھی کی۔

عروب جتوئی نے کہا ہے کہ ان کے وکیل جو کہہ رہے ہیں وہ وہی کررہی ہیں۔ ان کا کہنا تھا کہ ان کے وکلا ان کے شوہر کے کیس کو بہترین طریقے سے آگے لے کر چل رہے ہیں۔

واضح رہے کہ گزشتہ دنوں ضلع کچہری لاہور میں ڈکی بھائی کا مزید 2 روزہ جسمانی ریمانڈ منظور کر لیا گیا تھا۔

ملزم کو 2 روزہ ریمانڈ مکمل ہونے پر عدالت میں پیش کیا اور مؤقف اختیار کیا کہ ملزم سے تفتیش مکمل نہیں ہوئی۔

عدالت سے ملزم کے جسمانی ریمانڈ میں توسیع کی استدعا کی گئی تاکہ مزید ریکوری اور تفتیش کی جا سکے۔

ڈکی بھائی کے وکیل نے مؤقف اپنایا کہ انہیں جسمانی ریمانڈ دینے پر کوئی اعتراض نہیں۔ملزم تفتیش کے لیے مکمل تعاون کرنے کو تیار ہے۔