بیجنگ کے علاقے چاؤیانگ میں معروف چینی اداکار یو مینگلونگ ایک رہائشی عمارت کی پانچویں منزل سے گرنے کے باعث جاں بحق ہو گئے، تاہم ان کی اچانک موت نے مداحوں کو گہرے صدمے میں ڈال دیا ہے۔

غیر ملکی میڈیا کے مطابق یو مینگلونگ دو روز قبل ایک دوست کے گھر دعوت پر گئے تھے۔ رات گئے کھانے کے بعد وہ کمرے میں آرام کے لیے چلے گئے، تاہم اگلی صبح جب دوست نے انہیں جگانے کی کوشش کی تو وہ کمرے میں موجود نہیں تھے۔ بعدازاں ان کی لاش عمارت کے نیچے سے برآمد ہوئی۔

37 سالہ اداکار نے 2017 میں مشہور ڈرامہ Eternal Love کے ذریعے شہرت حاصل کی تھی، ان کی موت کے حوالے سے یہ سوال زیرِ بحث ہے کہ آیا یہ حادثہ تھا یا خودکشی۔

پولیس نے واقعے کی تحقیقات شروع کر دی ہیں اور جلد اصل حقائق سامنے لانے کا عندیہ دیا ہے۔