پاکستان فلم انڈسٹری پر تین دہائیوں سے زیادہ عرصے تک راج کرنے والے معروف مزاحیہ اداکار لہری کو مداحوں سے بچھڑے 13 برس بیت گئےلیکن ان کے برجستہ جملے اوربے ساختہ مکالمے فلم بینوں کوآج بھی یاد ہیں۔

اداکار اور کامیڈین لہری کا اصل نام سفیر اللہ تھا، بے ساختہ اداکاری سے چہروں پر مسکراہٹیں  بکھرنے والے لہری نے  200 سے زائد فلموں میں اداکاری کے جوہر دکھائے۔

لہری نے ریڈیو اور اسٹیج سے اپنے فنی سفر کا آغاز کیا، 1965 میں ریلیز ہونے والی اُن کی پہلی ہی فلم انوکھی نے ان کو شہرت کی بلندیوں پر پہنچا دیا۔

اپنے منفرد مزاحیہ انداز سے لوگوں کے چہروں پر مسکراہٹ بکھیری والے لہری نے بیداری، عندلیب، کنیز، دیور بھابھی، دل لگی اور دل میرا دھڑکن تیری جیسی متعدد مشہور فلموں میں کام کیا۔

یہ بھی پڑھیں: لہری کے جملے آج بھی مسکراہٹیں بکھیردیتے ہیں

انہوں نے اپنے فن کے اظہار کے لئے سنجیدہ انداز میں مزاح کو موضوع بنایا، لہری پاکستان فلم انڈسٹری کے واحد مزاحیہ اداکار تھے جنہیں 12 مرتبہ نگار ایوارڈ سے نوازا گیا۔

لہری 13 ستمبر 2012 کو 83 برس کی عمر میں انتقال کر گئے تھے۔

حکومت پاکستان کی جانب سے بھی ان کی اس خدمات پر 1996 میں حسین کارگردگی کے ایوارڈ سے نوازا گیا تھا۔